أعلنت رنا سماحة نجمة الموسم التاسع من برنامج المواهب ستار اكاديمي انتهاء الخلاف مع زوجها الملحن سامر أبو طالب بعد أسابيع من انتشار أخبار انفصالهما بعد إعلان حملها في طفلهما الاول وقامت بإلغاء متابعته على الانستجرام.
ونشرت رنا فيديو لها مع زوجها خلال حفل اكتشافهما نوع طفلهما الاول عبر صفحتها الشخصية على انستجرام وعلقت على الفيديو بإعادة نشر رسالة حب ارسلها لها زوجها قال فيها" أولًا الحمد لله، ثانيًا هقول الكلمتين الجايين دول لـ(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا".
وتابع :"بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائمًا وأبدًا".
كما وجه رسالة إلى ابنه " مالك" قائلا:" نيجى بقى لـ(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدًا".
واختتمت رسالته قائلا:" بحبك يا رنا وبحبك يا مالك.. شكرًا للناس اللى كانوا بيكتبولى كلمة حلوة عشان عاوزين يشوفونا تانى مع بعض".
والجدير بالذكر أن مشاركات رنا سماحة الدرامية كان مسلسل "جمع سالم" والذي تم عرضه ضمن الموسم الرمضاني ٢٠٢٠ من بطولة زينه ودلال عبدالعزيز وملك قورة ومحمد شاهين من تأليف محمد ناير وإخراج ايمان الحداد.
أقرأ أيضاً: مي حلمي تثير الجدل من جديد حول زواجها الثاني .. شلتوت و لا شاكوش
